IDEA

El proyeutu BAPAU.RAR (Base, Patrimoniu, Urbanu Arquitectónicu) integra tecnoloxíes de la industria 4.0 y realidaes estendíes nel ámbitu de los videoxuegos. L’oxetivu ye crear una biblioteca dixital y física d'archivos 3D en formatu STL, que ye l'estándar pa impresión 3D. El proyeutu divídese en dos partes: la creación d'un repositoriu d'archivos y l'impresión de modelos en 3D.

Utilizando la tecnoloxía de OpenStreetMap (OSM), xeneraranse imaxes satelitales y añaderanse capes d'información, como'l relieve, pa crear 20 maquetes imprimibles en 3D de distintes árees urbanes del Principáu d'Asturies. Estes maquetes fadránse per aciu d’imprentadores 3D de resina, utilizando la tecnoloxía DLP (proyeición de lluz dixital).

En resume, BAPAU.RAR quier facilitar l'accesu a maquetes urbanes al traviés d'un repositoriu dixital, promoviendo'l patrimoniu arquitectónicu de la rexón.

DESARROLLU

Interés Artísticu y Calidá Técnica
El proyeutu ta fundamentáu nel supuestu de que'l futuru de la tecnoloxía y l'arte van xuntos. Usando instrumentos avanzaos de la Industria 4.0, como la intelixencia artificial y la impresión 3D, buscamos dixitalizar entornos urbanos y facer accesible la cultura a la mocedá. Consta de seis fases claramente definíes, cada una con un calandariu de trabayu establecíu dende febreru hasta ochobre de 2024, garantizando una execución ordenada y eficiente.


Caráuter Innovador
Esti proyeutu destaca pol so caráuter innovador, yá que presenta técniques esperimentales na producción y nel diseñu. Por primera vez n’Asturies aplicaránse metodoloxíes nueves d'imprentación 3D, saliendo de les normes tradicionales del ámbitu industrial. Esta singularidá, xunto col altu grau d'esperimentación, posiciona'l proyeutu como referente rexonal.


Plan d'Esplotación ya Internacionalización
Tres la so puesta en marcha, el proyeutu espandirase al traviés de talleres didácticos en instituciones educatives, integrando la impresión y el diseñu 3D nel currículo STEAM. Tamién hai una estratexa d'internacionalización que emplega plataformes dixitales y comunidaes makers pa compartir los resultaos y crear sinerxies a nivel global.


Compromisu cola Diversidá y la Inclusión L'equipu de trabayu tará formau por un 50% de muyeres, asegurando una representación equilibrada. Con más de cinco años d’esperiencia y la execución dellos proyeutos significativos, el nuesu equipu ta capacitáu pa sacar alantre esta iniciativa con ésitu.


Integración Llingüística
El proyeutu comprométese tamién cola llingua asturiana, incorporando’l so usu na web, la cartelería y la difusión d'información, promoviendo asina la riqueza cultural de la rexón.


Con esti enfoque, el nuesu proyeutu nun solo busca innovar nel ámbitu tecnolóxicu, sinón que tamién pretende enriquecer y acercar la cultura asturiana a les nueves xeneraciones.

GALERÍA